文苑飲食集團是鐵路大王黃創山家族創立（即係建 BTS 那位）。文苑走的是中檔粤菜路線，而更高級的那間，叫《文薈》，只供應套餐。除咗中式酒樓，集團還有港式茶餐廳。
今次去的這間，就在 BTS Ratchadamri 站，St Regis 酒店後面。沿路有中文路牌指示，店外有一個大的金色茶煲，非常易找。
到達的時候，酒樓客人不多，待應全是泰國人。不過放心，餐牌圖文並茂且有中文，所以點菜全沒問題。
不過，中式點心沒香港的多款式，茶亦只有茉莉花茶，茶芥是 $60 Thb 一位。三個人，點了一份細燒肉, 蝦餃，芋絲煎餅，紫米蝦腸粉，紫菜燒賣及鮑汁炆花膠麵。
燒肉真係一絕！肉質鬆化，有肉味但不肥，塊皮好像薯片一樣脆卜卜。
蝦餃。冇肥豬肉但有兩隻蝦。肉質鮮甜爽脆，比香港的清淡但鮮美。
芋絲煎餅。一碟六件，每啖都充滿芋香，但可惜煎得過了火。
紫米蝦腸粉。點這個因為在香港未食過，都驚會中伏。食落腸粉香滑，厚薄剛剛好，咬落脆卜卜，比 “炸両” 更好食。
紫菜燒賣。這個不是不好吃，只是太普通了一點。
鮑汁炆花膠扒麵。呢個份量係一人份，主角當然係件花膠扒，個廣東麵係完全唔合格嘅，不要期望有香港雲吞麵那種彈牙口感。件花膠扒炆得夠火喉，個鮑汁又唔會好咸，食完嘴唇都好黏，證明膠質重。
如果去曼谷要試一下粤菜，《文苑》可以一試。
沒有留言:
張貼留言